حکومت نے پیٹرول میں کمی اور ڈیزل پر لیوی بڑھا دی

پیٹرول پر فی لیٹر پٹرولیم لیوی میں 9 روپے 34 پیسے کی کمی، نوٹیفیکیشن جاری

نوٹیفکیشن کےمطابق پیٹرول پر پیٹرولیم لیوی میں 9 روپے 34 پیسے فی لیٹر کمی کی گئی ہے،جبکہ ڈیزل پر لیوی میں 8 روپے 67 پیسے اضافہ کیا گیا ہے،پیٹرول پر لیوی 116 روپے 8 پیسے سے کم ہو کر 106 روپے 74 پیسے فی لیٹر ہو گئی،جبکہ ڈیزل پر لیوی 44 روپے 59 پیسے سے بڑھ کر 53 روپے 26 پیسے فی لیٹر مقرر کی گئی ہے۔

پیٹرول پرفی لیٹر فریٹ مارجن میں 4 روپے 45 پیسےکمی کی گئی ہے،جبکہ ہائی اسپیڈ ڈیزل پر فریٹ مارجن میں 2 روپے 1 پیسے کی کمی کی گئی ہے،اسی طرح پیٹرول پر ضمنی اخراجات اور ڈیوٹیز میں 9 روپے 30 پیسے اضافہ کیا گیا ہے،جبکہ ڈیزل پر یہ اخراجات 9 روپے 57 پیسے کم کر دیےگئے ہیں۔ ہائی اسپیڈ ڈیزل اور پیٹرول پر ڈیلرز مارجن 8 روپے 64 پیسے فی لیٹر برقرار رکھا گیا ہے۔